जातीय पहिचानसहितको संघीयता र स्वरुपबारे छलफल

नेपाल आदिवासी जनजाती महासंघको आठौं महाधिवेश:

चितवन, बैशाख २९ । चितवनमा जारी नेपाल आदिवासी जनजाती महासंघको आठौं महाधिवेशनमा जातीय पहिचानसहितको संघीयता र त्यसको स्वरुपबारे छलफल भइरहेको छ । आजदेखि सौराहामा शुरु भएको बन्दसत्रमा आदिवासी जनजातिका अधिकार स्थापित गर्न चाल्नुपर्ने कदमबारे छलफल भइरहको जनाइएको छ । बन्दसत्रमा विभिन्न जातिय संगठन, जिल्ला समन्वय समितति लगायत गरी ५ सय जना प्रतिनिधि तथा पर्यवेक्षकहरु सहभागी छन् । महाधिवेशनले आदिवासी जनजाति महासंघमा नयाँ नेतृत्व चयन गर्नेछ । महाधिवेशनमा नगेन्द्र कुमाल, चन्द्रबिक्रम राई, नरेश ताम्राकार, पेमाछिरिङ शेर्पा र नित्यानन्द ताजपुरियाले अध्यक्षमा उम्मेद्वारी घोषणा गरेका छन् ।