बादललाई सरकारको नेतृत्व दिनुपर्छ :बिप्लव

बुटवल, फाल्गुन २१ । नेकपा–माओवादीका सचिव नेत्रविक्रम चन्द विप्लवले आफ्नो पार्टीका महासचिव रामबहादुर थापा बादललाई सरकारको नेतृत्व दिए सहमति हुने र निकास पनि निस्कने बताएका छन् । 

बुटवलमा आज संचारकर्मीहरुसँग कुरागर्दै सचिव चन्दले जनयुद्धका एजेण्डालाई सम्बोधन गर्ने व्यक्ति प्रधानमन्त्री हुनुपर्ने भन्दै महासचिव थापालाई प्रधानमन्त्री बनाउन उपयुक्त हुने तर्क गरे ।

प्रधानन्यायाधीशको नेतृत्वमा सरकार बनाउन अवैध हुने भन्दै उनले त्यस्तो सरकारलाई नस्वीकार्ने पनि स्पष्ट पारे ।