काठमाडौं, फाल्गुन २१ । पराजयको लत लागेको नेपाली
राष्ट्रिय फुटबल टोली एएफसी च्यालेन्ज कप छनोट फुटबल प्रतियोगितको महत्वपूर्ण खेलमा
पनि पराजित भएको छ । घरेलु दर्शकहरुले खचाखच भरिएको दशरथ रंगशालामा नेपाललाई पुरानो
प्रतिद्धन्द्धी बंगलादेशले २–० ले हराएको हो ।
पहिलो हाफमा बिवादास्पद
पेनाल्टी मार्पmत अग्रता बनाएको बंगलादेशले दोस्रो हाफमा काउन्टर अट्याक गर्दै
अर्को गोल गर्न सफल भएको हो । रेफ्रीले बंगलोदशलाई विवादास्पद पेनाल्टी दिएको भन्दै
दर्शकहरुले विरोध गर्दा झण्डै दश मिनेट खेल रोकिएको थियो ।बंगलादेशबिरुद्ध केही गोल गर्ने अवसर पाएको नेपाललाई आज पनि फिनिसिङ्ग गर्न नसक्ने उही पूरानो रोगले पछ्याउँदा नतिजा दुखद बन्यो । गतवर्ष काठमाण्डौंमै सम्पन्न एएफसी च्यालेन्ज कपको फाइनल चरणमा नेपालले खेलेको समूह चरणका तीन खेल मध्ये कुनै पनि खेलमा गोल गर्न सकेको थिएन ।
आजको पराजयपछि नेपालको एएफसी च्यालेन्ज कप फाइनल चरणमा प्रवेशको सम्भावना थप कठिन बनेको छ । अब बुधबार हुने तेस्रो खेलमा प्यालेस्टाइनमाथि दुलर्भ जीत दर्ता गराए मात्र नेपालको अर्को चरणमा प्रवेशको सम्भावना पुर्नजीवित हुनेछ ।
सोही दिन बंगलादेशले नर्दन मरियाना आइल्याण्डस्को सामना गर्नेछ । जारी प्रतियोगितामा प्यालेस्टाइन सबै भन्दा बलियो टोलीको रुपमा प्रस्तुत भएको छ भने नार्दन मरियाना आइल्याण्ड सबै भन्दा कमजोर टोलीको रुपमा दर्ता भईसकेको छ ।
गतवर्ष सम्पन्न एएफसी च्यालेन्ज कप फाइनलमा चरणमा नेपाल प्यालेस्टाईनसँग २–० ले पराजित भएको थियो । बंगलादेशबिरुद्ध १५ खेल खेलेको नेपालको यो दशौं हार हो ।
यसअघि आजै भएको पहिलो खेलमा नदर्न मरियाना आइल्याण्डस्माथि ९–० को फराकिलो जित दर्ता गर्दै प्यालेस्टाईनले फाइनल चरण प्रवेशको सम्भावना थप बलियो बनेको छ ।
जारी प्रतियोगिताको पहिलो खेलमा नेपालले कमजोर प्रतिद्धन्द्धी नर्दन मरियाना आइल्याण्डलाई ६–० ले हराएको थियो ।
No comments:
Post a Comment