सेना दिवसमा सैनिक कौशल, टुँडिखेलमा विशेष समारोह (भिडियोसहित)

प्रतीक लामिछाने, काठमाडौं, फाल्गुन २७ । नेपाली सेनाले महाशिवरात्री तथा सेना दिवसका अवसरमा आज राजधानीको टुँडिखेलस्थित सैनिक मञ्चमा विशेष समारोह आयोजना ग-यो । समारोहमा नेपाली सेनाका परमाधिपति राष्ट्रपति डा. रामबरण यादवले सैनिक परेड अवलोकन गरे ।
समारोहमा नेपाली सेनाले १९ तोपको शिवरात्री बडाई गर्नुका साथै सैनिक कवाज, मार्चपास, कला, व्याण्ड डिस्प्ले तथा हवाई कला प्रदर्शनी प्रस्तुत गरेको थियो ।

त्यस्तै, सेनाका विभिन्न गणका प्रतिनिधिहरुले ५ हजार फिट उचाईबाट प्लाराग्लाईडिङ्ग गर्नुका साथै सेनाको गाडी तथा युद्धका बेला प्रयोग गरिने उपकरणहरु प्रदर्शन गरेका थिए ।
राष्ट्रपति डा. यादवले सेनाको श्रीनाथ गण, कालीबक्स गण, बर्द बहादुर गण, सबुज गण र पुरानो गोरखबहादुरलाई कदर पत्र प्रदान गरे ।