भोलि साँझसम्ममा रेग्मी नेतृत्वमा सरकार गठन गर्ने तयारी

२९ फागुन, काठमाडौं । प्रमुख दलहरुले भोलिसम्ममा प्रधानन्यायाधीश खिलराज रेग्मीको नेतृत्वमा चुनावी सरकार गठनको तयारी गरेका छन् । विशेष समितिको सचिवालय बानेश्वरमा बसेको चार दलका शीर्ष नेताहरुको बैठकपछि एमाले उपाध्यक्ष वामदेव गौतमले भोलिसाँझसम्ममा सरकार गठन गर्ने तयारी भइरहेको जानकारी दिनु भयो । उहाँका अनुसार लडाकूको दर्जा निधारणमा सहमति जुट्न बाँकी छ भने सत्य निरुपण आयोग गठनबारे अन्तिम मस्यौदा बनाउन कार्यललले केही समय मागेको छ । चार दलका शीर्ष नेताहरुले चुनावी सरकार गठनका लागि भएको तयारीबारे विघठित संविधानसभामा रहेका दलहरुलाई जानकारी गराएका छन् ।