चार अर्ब ‘डुबाउने’ ओरेन्टलका सञ्चालकलाई कारवाही नगरे सडक आन्दोलन

काठमाडौं, श्रावण १० । ओरेन्टल को–अपरेटिभ लिमिटेडका निक्षेपकर्ताहरुले सहकारीमा जम्मा गरिएको रकम तत्काल फिर्ताको माग गर्दै बिहीबार राजधानीमा प्रर्दशन गरेका छन् । उनीहरुले आफ्नो रकम हिनामिना गर्ने सञ्चालक सुधीर वस्नेतलाई कारवाही माग समेत गरेका छन् । ११ हजार निक्षेपकर्ताको चार अर्ब रुपैयाँ भन्दा बढी रकम डुबाउने मूख्य सञ्चालक सुधीर बस्नेतलाई सरकारले छुट दिएको भन्दै उनीहरुले चर्को आक्रोश पनि व्यक्त गरे । सर्वसाधरण निक्षेपकर्ताले आफूहरुको रकम फिर्ता गरी सञ्चालकलाई कारवाही नगरे सडक आन्दोलन गर्ने समेत चेतावनी दिएका छन् । काठमाडौको मैतीदेवीमा प्रधानकार्यालय रहेको ओरेन्टल को–अपरेटिभले आफ्ना १३ शाखामार्फत एघार हजार भन्दा बढी बचतकर्तावाट जम्मा गरेको चार अर्ब भन्दा बढी रकम हिनामिना गरेको निक्षेपकर्ताहरुको आरोप छ ।