गोरेबहादुर खपांगीलाई युएईबाट आर्थिक सहयोग

दुबई असार १। जनजाति नेता गोरेबहादुर खपांगीको स्वास्थ्य उपचारको लागि युएईमा रहेका प्रवासी नेपालीहरुले ८१ हजार १ सय आर्थिक सहयोग गरेका छन् । मगर संघ युएईको पहलमा आर्थिक सहयोग संकलन गरिएको हो । उक्त रकम नेपाल मगर संघका केन्द्रीय कोषाध्यक्ष तथा गोरेबहादुर खपांगी मगर उपचार समितिका संयोजक कुलप्रसाद पुन मगरको नाममा पठाएको छ ।

गत महिना काठमाण्डौंस्थित मोटरसाइकलको ठक्करबाट दुर्घटनामा परेका खपांगीको थापाथलीस्थित नर्मिक हस्पिटलमा उपचार भइरहेको छ । उपचारको क्रममा स्वास्थ्यप्रति निकै सुधार आएका छन् ।